나자르바예프, 키르기스스탄 바키예프 대통령 재선에 축하의 뜻 보내

БІШКЕК.  Тамыздың  3-і. ҚазАқпарат /Владимир  Добровольский/ -  Өткен  демалыс күні Бішкекте 2009 жылғы  шілденің 23-інде өткен  президенттік сайлауда  76 пайыз дауыс  алған Қырғыз  Президенті Құрманбек Бакиевтің  қызметіне ресми  кірісуінің   салтанатты  рәсімі  өтті.

Достас   республика президентінің  ұлықтау  рәсіміне  құрметті  қонақ   ретінде   Қазақстан  Президенті    Нұрсұлтан  Назарбаев    қатысып,    құттықтау көз сөйледі.   «Шолпанатада  өткен   Ұжымдық қауіпсіздік  туралы  шарт ұйымы  елдері басшыларының   бейресми  саммитіне  қатысушы барлық  президенттердің атынан,   сондай-ақ өз  атымнан   және    қазақ  халқының  атынан     бауырлас Қырғызстанның  Президенті   қызметіне   ресми кірісуіңізбен   Сізді  құттықтаймын! Қырғыз халқы Президент сайлауында өз таңдауын жасады. Халық Құрманбек Бакиевке ел басқару тізгінін сеніп тапсырды. Бұл - Елбасыға артылған жауапкершілігі мол үлкен сенім»,  деді  Қазақстан   басшысы.

Нұрсұлтан  Назарбаев сондай-ақ,  осынау    айтулы оқиғаға     қатысқанына    қуанышты  екенін,   2005 жылы    да президент Құрманбек Бакиевтің    ұлықтау   рәсіміне  қатысқанын  айтып  өтті.

«Мен тату көршілік пен стратегиялық әріптестікке негізделген екі ел арасындағы қарым-қатынас бұдан былай нығая түседі деп кәміл сенім білдіремін. Ынтымағы жарасқан елдің ырысы артады. Тұрақтылық бар жерге құт қонып, береке орнайды. Қуаныштарыңыз ұзағынан болғай, бауырлар!»,- деді Қазақстан  Президенті  өз  сөзінде.

작성일 : 2009. 08. 03